Fillo de Manolo o de Cortegada

O tío do meu pai Pepe Ramos Crespo, fillo de Manuel Ramos Cea e Carmen Crespo Rivas; e neto de Roque Ramos e Mercedes Cea, residentes na Illa de Cortegada. Estes versos forman parte dun libriño de catro páxinas que leva por título "Carril y yo" (adicado a sua Nai, a Virxe de Cortegada, ó Apóstolo Santiago, ós meus, a tódolos meus conveciños e o pobo dos meus amores) do cal teño un orixinal gardado coma ouro en pano. Pepe Ramos ten na Arxentina os seus fillos Pilar, Josefa, Teresa e Jesús Antonio, este último estivo recentemente entre nós, logo de 45 anos sin ver Galicia. Coma curiosidade direi que o tío Pepe que era moi mañoso, fixo na Arxentina unha reproducción da Virxe de Cortegada (cariña de boneca, corpo de cartón e traxe bordado en ouro) e que anos máis tarde regalou a miña aboa Lola cando ésta foi aló en barco a visitar á familia, as dúas cruzaron o Atlántico facéndose compañía, durante moitos anos e aínda agora a xente da miña familia pensa que é a orixinal, cando a verdadeira está moi ben gardadiña onde sabemos nós. *No apartado chegaron por correo electrónico e logo lembrando a Pepe Ramos podedes ver un fragmento do libro. Grazas
Comentario por Inma García Bouzas (05-10-2009 23:57)

O Faiado da Memoria